X. Alonso Montero nomeado socio de honor

Foto de Jesús de Arcos

Foto de Jesús de Arcos

A Asemblea xeral do Instituto de Estudos Ulloáns (IEU), celebrada o pasado 18 de febreiro, acordou por unanimidade nomear socio honorario a don Xesús Alonso Montero, actual presidente da Real Academia da Lingua Galega (RAG).

O nomeamento foille comunicado e manifestou o seu agradecemento e o seu gran afecto pola terra da que era o poeta Lorenzo Varela.

Precisamente o pasado ano cumplironse cen anos do nacemento do poeta monterrosino e o actual presidente da RAG participou nos actos que se celebraron en recordo da súa figura. Parte deles foron no Centro Penitenciario de Monterroso por expreso desexo do académico.

Xesús Alonso Montero, humanista , sociolingüista, ensaísta, articulista, é un dos referentes da cultura galega do século XX e do século XXI. É, así mesmo, notoria a súa participación en actos culturais na comarca da Ulloa, como foron as diferentes homenaxes e celebracións ao redor da figura de Lorenzo Varela que, comezaron no ano 2000 e deron como froito a dedicación ao poeta o Día das Letras Galegas en 2005.

ComparteShare on FacebookShare on Google+Tweet about this on TwitterShare on LinkedIn