O proxecto Flora da Ulloa pretende abranguir as vertentes biolóxica (botánica), lingüística e mesmo etnográfica asociadas ao mundo das plantas, favorecendo a participación de persoas independentemente do seu grao de coñecemento previo.
Os obxectivos son os seguintes:
– Elaborar un catálogo das plantas vasculares (fentos e plantas con flores) que se desenvolven espontáneamente (non cultivadas) na comarca da Ulloa.
– Recoller os nomes populares das distintas especies de plantas, un patrimonio cultural en vías de extinción.
– Explorar a potencialidade da recollida de información para documentar os diferentes usos humanos tradicionais, pasados e actuais, das distintas especies de plantas (etnobotánica).
– Potenciar a participación das persoas socias do IEU, así como doutras non asociadas, na elaboración dun proxecto colectivo.
Coordinador: Xurxo Mouriño Lourido
Contacto: floraulloa@ieu.gal
Formulario de recollida de datos.doc
Formulario de recollida de datos.pdf
