Excursión botánica a Irixe: ribeiras e O Chao (6/6/2021)

    A primavera vaise acabando e hai que aproveitar o tempo, agora están florecendo especies tardoprimaverais.
   O domingo 6 de xuño de 2021, o biólogo Xurxo Mouriño organiza a 3ª excursión botánica dentro do proxecto Flora da Ulloa do Instituto de Estudos Ulloáns.
   Visitarase a ribeira do río Irixe e O Chao por riba da aldea, incluídos arredores da antiga mina.
   Trátase dunha zona peculiar na Ulloa pola súa posición no val do Miño e substrato metamórfico, condicións que propician a existencia de plantas pouco comúns no resto da Ulloa.
   A excursión terá un grao de aventura alto: isto é, incerteza da existencia ou mantemento viable de camiños, polo que haberá que improvisar e, se callar, cruzar algúns obstáculo (río por pedras, toxal, silveira, uceira…).

Excursión Flora da Ulloa 3-21, Irixe, Instituto de Estudos Ulloáns

ComparteShare on FacebookShare on Google+Tweet about this on TwitterShare on LinkedIn