Excursión botánica ao Monte da Lagoa de Vacariza (Remonde, Palas de Rei) 30/9/2023

Para o sábado 30 de setembro o biólogo e consultor medioambiental Xurxo Muriño organiza unha nova excursión botánica dentro do proxecto Flora da Ulloa. Nesta ocasión percorrerase o Monte da Lagoa da Vacariza, encharcamento que seca no verán.

Fora unha excursión programada para o día 17 de setembro, que non se chegou a convocar polas previsións de treboadas. Desta volta mudaranse ribeiras por matogueiras e espazos abertos, coa particularidade dos afloramentos serpentiníticos que acollen varias plantas únicas ou case únicas en Galicia que florecen nestas datas (non son os catro famosos endemismos exclusivos da área).