Localización do Centro Xeográfico de Galicia

Membros do Instituto de Estudos Ulloáns sinalizando por vez primeira o Centro Xeografico de Galicia Membros do IEU sinalando a localización definitiva do Centro Xeográfico de Galicia

A instancia do Instituto de Estudos Ulloáns, o Instituto Geográfico Nacional (IGN), institución dependente do Ministerio de Fomento, emitiu un informe oficial no que localiza científica e definitivamente o Centro Xeográfico de Galicia, do que sempre se tiveron informacións contraditorias.

O IGN xa fixera outras medicións hai anos, o mesmo que os xeógrafos da USC. En todas elas se localizaba o Centro Xeográfico de Galicia na contorna da aldea de Nugallás, parroquia de San Fiz de Amarante, Antas de Ulla, pero non se daba unha localización exacta e definitiva.

Dada a necesidade, pola súa transcendencia cultural e económica, de facer pública a localización exacta do Centro Xeográfico de Galicia, o  Instituto de Estudos Ulloáns convocou unha rolda de prensa o xoves 19 de decembro de 2019 no Centro de Prensa da Asociación de Prensa de Lugo na que se deu a coñecer aos medios de comunicación do informe asinado por Pablo Carballo Cruz, director do Servizo Rexional do IGN, no que se detalla a localización exacta do Centro Xeográfico de Galicia en coordenadas xeográficas ETRS89:

7º 54´ 38,99´´ W

42º 45´ 25,15´´ N

Con este informe oficial e definitivo o IEU da por pechados os debates de carácter científico sobre a situación do Centro Xeográfico de Galicia, alleos por outra parte aos slogans publicitarios que poden levar ao público a confusións, como son o slogan “Corazón de Galicia” creado polo banqueiro Alejandro de Soto e rexistrado polo concello de Chantada na Oficina de Patentes de Madrid , ou o slogan “Km O” creado polo escritor Armando Vázquez inspirado no célebre Matemático Rodríguez e que foi rexistrado polo concello de Lalín.

Rolda de Prensa, Instituto de Estudos Ulloáns, Centro Xeográfico de Galicia Hilda García Cabanas, María José Gómez Alvite, Francisco Pardo Teijeiro e Jesús Otero Calvo na rolda de prensa sobre o Centro Xeográfico de Galicia

Intervención do director do IEU na rolda de prensa

Descargar en pdf o informe do Instituto Geográfico Nacional sobre a localización do Centro Xeográfico de Galicia

ComparteShare on FacebookShare on Google+Tweet about this on TwitterShare on LinkedIn