Visita de membros da SGHN e do CSIC á Ulloa (9/3/2025)

Co motivo de celebrar o Día do Naturalismo Galego adicado ao Padre Sarmiento, o domingo 9 de marzo membros da Sociedade Galega de Historia Natural (SGHN) e do Consello Superior de Investigaciones Cientñificas (CSIC) visitaron a comarca da Ulloa para desenvolver unha xornada de estudo do patrimonio natural, social e cultural dunha zona gravemente afectada polo proxecto da fábrica de pasta de celulosa de Altri en Palas de Rei.

Pola mañá, os científicos da SGHN e do CSIC analizaron e tomaron datos da contorna da Finca de Quintas, lugar especialmente afectado pola instalación da macrofábrica de pasta de celulosa.

Pola tarde, en coordinación co Instituto de Estudos Ulloáns (IEU), visitaron o castelo de Pambre e a súa contorna cun percorrido polas beiras do río Pambre acompañados por membros do IEU e doutros colectivos da comarca, guiados por Francisco Pardo, director do IEU, e por Xurxo Mouriño, biólogo e consultor medioambiental.
^{Membros da SGHN, do CSIC, do IEU e outros colectivos da Ulloa manifestñandose en Pambre en contra da fábtica de pasta de celulosa de Altri}

^{Intervención de Xurxo Mouriño nas fragas do río Pambre}

^{Intervención de Francisco Pardo na contorna do castelo de Pambre}

^{Intervención de Xurxo Mouriño nas ribeiras do río Pambre.}

Enlace ao video visita de membros da SGHN e do CSIC á Ulloa

Comparte