Inauguración da exposición de Álvaro de la Vega “Excéntricas” no castelo de Pambre (22/10/2022)
O sábado 22 de outubro de 2022 foi inaugurada no castelo de Pambre a exposición de Álvaro de la Vega “Excéntricas”, unha mostra de esculturas de diferentes épocas e con soportes e materiais moi diferentes, falamos de ferro, de cerámica, de pedra, e sobre todo de madeira, que nos achegan ao contínuo proceso de creación e investigación do artista lucense.
Interviñeron na inauguración Braulio Vilariño, comisario da exposición; o pintor e escultor Álvaro de la Vega, e Francisco Pardo, director do Instituto de Estudos Ulloáns. Ao remate estableceuse un interesante coloquio entre o artista e o público asistente, que rematou cun aperitivo ofrecido polo Hotel Balneario Río Pambre.
De esq. a dereita: Francisco Pardo, director do IEU; o escultor Álvaro de la Vega, e Braulio Vilariño, comisario da exposición
Artistas e escritores asistentes á inauguración da exposición