Apoio do IEU a actos doutras entidades
Un dos obxectivos do Instituto de Estudos Ulloáns é a colaboración con asociacións culturais e institucións tanto comarcais como de toda Galicia, participando como entidade ou ben con intervencións persoais en representación do Instituto.
O 25 de novembro de 2023 o directivo do IEU, Xosé Luis Santiso, participou, en representación do IEU, na Marcha en contra da Violencia de Xénero organizada polo Concello de Antas de Ulla.
E tamén o sábado 25 de novembro a filóloga, historiadora e directiva do IEU, María José Gómez Alvite, participou como poeta, e como representante do IEU, no III Recital Poético Musical SOS Castelo de Navia organizado pola A V Irmandade Naviega coa colaboración do Concello de Navia de Suarna. Coa participación de poetas chegados de toda Galicia, o acto contou coa actuación musical dos nosos bos amigos o poeta e escritor Toño Núñez e o músico Xosé Manuel do Castro, aos que tivemos a ocasión de escoitar en varios actos organizados polo IEU na Ulloa.
A poeta María José Gómez Avite nos III Encontros poéticos SOS Castelo de Navia
Actuación musical de Toño Núñez e Xosé Manuel de Castro
