Flora ameazada na carballeira de Lebesende. Excursión botánica do proxecto Flora da Ulloa (2/8/2020)
Despois destes meses de parón debido á pandemia, o domingo 2 de agosto retomaremos as excursións botánicas do proxecto Flora da Ulloa.
Dentro da temática de flora rara e ameazada, e coorganizado con Quercus Sonora, visitaremos a carballeira de Lebesende, en perigo por un proxecto de enerxía eólica que pretende cruzar dita carballeira cun vial de acceso para un único muíño, para o cal existen alternativas a priori menos agresivas. Anéxanse alegacións feitas polo Instituto de Estudos Ulloáns ao respecto, baseadas no traballo realizado por Quercus Sonora.
O obxectivo será coñecer máis detalles da flora desta carballeira e arredores, tanto para seguir recopilando información da flora ulloana como para ter máis coñecemento no que basear as alegacións que se poidan facer ao respecto do proxecto eólico nun futuro.
As prazas será limitadas en torno a 10 persoas e será preciso levar mascara de protección para evitar potencial propagación do coronavirus. A volta está prevista para o medio día, en torno ás 14h.
Comparte
