Inauguración da exposición de Correa Corredoira “Pintor no Taller”
O sábado 8 de febreiro de 2020 foi inaugurada na sala 1 do castelo de Pambre a exposición de Correa Corredoira “Pintor no Taller” organizada polo Instituto de Estudos Ulloáns e comisariada por Braulio Vilariño, que contou coa colaboración de Azucena Souto no deseño de carteis e dípticos.
Interviñeron no acto Braulio Vilariño, que fixo unha descrición da obra do pintor en cada unha das súas etapas; Correa Corredoira, que disertou, nunha lección maxistral, sobre a creación artística e do papel que terá a arte no desenvolvemento social e económico do século XXI; Francisco Pardo, director do IEU, que destacou o acerto de ter elixido o tema do taller do pintor para esta exposición, na mesma liña iniciada polo IEU en anteriormente; e finalmente, Rodrigo González, concelleiro do Concello de Palas de Rei, que pechou o acto.
A exposición permanecerá instalada na sala de exposicións do castelo de Pambre ata o 3 de abril.
