Inauguración da exposición de Kukas “Só paisaxes, sós” no castelo de Pambre

_{De esq. a der.:  Francisco Pardo, Kukas e Braulio Vilariño (Fotografía de Antón Nodar)}

O sábado 2 de novembro de 2019 foi inaugurada na sala do castelo de Pambre a exposición de pintura de Marcelino de Santiago (Kukas) “Só paisaxes, sós”, organizada polo Instituto de Estudos Ulloáns e subvencionada por O Teu Xacobeo, que permanecerá aberta ata o 17 de xaneiro de 2020.

Con esta exposición do polifacético artista compostelano Marcelino de Santiago, coñecido como Kukas, iníciase o ciclo de exposicións “Arte no Camiño 2020” organizado polo IEU dentro das actividades de O Teu Xacobeo. Trae Kukas ao castelo de Pambre unha serie de óleos de paisaxes e outra de mariñas de estilo expresionista de cores intensas e mesmo irreais que nos trasladan ao realismo máxico.

Interviñeron na inauguración da exposición o artista; o comisario da exposición, Braulio Vilariño, e o director do IEU, Francisco Pardo. O aperitivo foi servido polo Hotel Balneario OCA Río Pambre.
Máis información
Díptico en pdf
Obras e currículum

_{Fotografía de Antón Nodar}

_{Fotografía de Antón Nodar}

Comparte