Inauguración da exposición de Vicente Prego “Exteriores” no castelo de Pambre
O sábado 26 de xaneiro tivo lugar na sala de exposicións do castelo de Pambre (Palas de Rei, Lugo) a inauguración da exposición de Vicente Prego “Exteriores”, organizada polo IEU e subvencionada por O Teu Xacobeo, na que o pintor compostelán expuxo cinco obras de técnica mixta e gran formato con referencias a culturas clásicas e orientais.
Interviñeron no acto o comisario da exposición, Braulio Vilariño; o pintor Vicente Prego; o director do Instituto de Estudos Ulloáns, Francisco Pardo; e a concelleira Aurora Vila, en representación do Concello de Palas de Rei.
Comparte
