Inauguración de “Cartografía simbólica”, exposición de Antón Patiño
O sábado 8 de maio de 2021 ás 17 h. tivo lugar, no castelo de Pambre (Palas de Rei), a inauguración da exposición de Antón Patiño Cartografía simbólica.
No acto de inauguración interviñeron Braulio Vilariño, coordinador de exposicións do IEU; o pintor Antón Patiño; Francisco Pardo, director do IEU; a Comisaria de Xacobeo, Cecilia Pereira, especialista en arte medieval e experta en xestión cultural; e o concelleiro Amando Sande en representación do alcalde de Palas de Rei.
“Organizada polo Instituto de Estudo Ulloáns, esta mostra recolle obras das diferentes etapas artísticas do pintor, así como libros e catálogos doutras exposicións cos que se pretende achegar ao público á personalidade e creatividade dun dos pintores con maior proxección internacional na arte galega contemporánea.
Cartografía simbólica está comisariada por Antón Patiño e por Braulio Vilariño, que contou coa axuda da historiadora da arte Susana Varela Negro. Os carteis e material divulgativo foron realizados pola deseñadora ulloana Azucena Souto (Du-As Deseño).
A exposición, subvencionada por O teu Xacobeo permanecerá instalada nas dúas salas do castelo de Pambre do 8 de maio ao 30 de xuño de 2021.
Acto de inauguración da exposición de Antón Patiño Cartografía simbólica. De esquerda á dereita: Amando Sande, en representación do alcalde de Palas de Rei; Cecilia Pereira, comisaria de Xacobeo; Francisco Pardo Teijeiro, director do IEU; o pintor Antón Patiño; e Braulio Vilariño, coordinador de exposicións do Instituto de Estudos Ulloáns.
Antón Patiño e Braulio Vilariño instalando a exposición Cartografia simbólica nas salas do castelo de Pambre
