O IEU adhírese á defensa das titulacións do campus de Lugo
O IEU apoiou o manifesto de demanda da continuidade dos grados de Agrícolas, Forestais, Paisaxe, Enxeñeiría Civil e procesos Químicos impartidos no Campus de Lugo da Universidade de Santiago, promovido pola Federación de Asociacións de Veciños da provincia de Lugo.
Apoiaron o manifesto, ademais das asociacións de veciños, os colexios profesionais, concellos, empresas lucenses, organizacións sectoriais, sindicatos, organizacións agrarias, asociacións culturais, asociacións con fins sociais, etc. chegando a superar os 100 colectivos da provincia de Lugo.
A Deputación de Lugo uniuse tamén á demanda e o día 16 de xaneiro convocou a todos os colectivos adheridos para a firma dunha declaración conxunta. O Instituto de Estudos Ulloáns estivo representado pola directiva Hilda García Cabanas.
