O IEU na andaina Santiago-Ortoño da celebración do centenario do SEG (12/10/2023)

O 12 de outubro de 2023 directivos/as e socios/as do Instituto de Estudos Ulloáns participaron na andaina de Santiago a Ortoño coa que se celebraron os 100 anos da fundación do Seminario de Estudos Galegos.

A andaina, un dos actos centrais da conmemoración do centenario do SEG, estivo organizada polo Consello da Cultura Galega, a Real Academia Galega e o Museo do Pobo Galego, coa colaboración do Concello de Ames, o Concello de Santiago de Compostela, a Universidade de Santiago de Compostela e a Xunta de Galicia.

Contou con 150 participantes que partiron da Alameda de Santiago e percorreron 13 quilómetros ata chegar á casa natal de Rosalía de Castro en Ortoño (Ames), emulando ao grupo de estudantes da Universidade de Santiago (Fermín Bouza-Brey, Xosé F. Filgueira Valverde, Xosé Pena e Pena, Wenceslao Requejo Bouet, Lois Tobío e Alberto Vidán Freiría) que o 12 de outubro de 1923 fixeron ese mesmo percorrido e concibiron nese lugar a creación do SEG.

Unha vez na casa de Rosalía, levouse a cabo a ofrenda floral ao pé da placa conmemorativa da fundación do SEG, e posteriormente, xa no castro de Ortoño, tivo lugar o acto institucional, acompañado por actuacións musicais tradicionais e presidido polos presidentes e presidentas do Consello da Cultura Galega, Real Academia Galega e Museo do Pobo Galego, alcalde de Ames, alcaldesa  de Santiago, e representantes da Universidade de Santiago e da Xunta de Galicia, concluíndo cun xantar de confraternización.

^{Cabeceira dos participantes na andaina na Alameda de Santiago de Compostela}

^{Francisco Pardo, Encarna Otero, Marilar Jiménez Aleixandre, Xosé Luis Santiso, Carmen Rodríguez del Toro e Hilda García Cabanas na Alameda de Santiago}

_{Francisco Pardo, director do IEU; Soledad Felloza, actriz, fotógrafa, escritora, directora do Festival Internacional de Narración Oral Atlántica; Manuel Villar, director do Museo do Pobo Galego; e Xosé Luis Santiso, poeta e directivo do IEU}

^{Membros do IEU con Víctor Freixanes, presidente da Real Academia Galega}

^{Membros da Rede de Patrimonio Cultural diante da placa conmemorativa da fundación do SEG en 1923}

^{Membros do IEU con Goretti Sanmartín, alcaldesa de Santiago de Compostela}

Comparte