Presentación do libro de Xulio Pardo de Neyra “Á sombra de María Silgar. Carvalho Calero contra a historia única”

   O sábado 10 de agosto de 2019, na sede  do Instituto de Estudos Ulloáns en Monterroso, tivo lugar a presentacióndo libro do noso socio Xulio Pardo de Neyra “Á sombra de María Silgar, Carvalho Calero contra a historia única”, biografía do escritor e filólogo ao que se lle dedicará o Día das Letras Galegas 2020.

  Nesta biografía de Carvalho Calero, sen dúbida a máis completa e esclarecedora publicada ata a data, Xulio Pardo de Neyra describe a vida e analiza o obra do escritor galeguista nos diferentes contextos nos que viviu e descúbrenos as influencias e a transcendencia da súa dona, a escritora Mª Ignacia Ramos, que asinaba os seus traballos literarios co pseudónimo “María Silgar”.

     Presentaron o libro a filóloga e historiadora do IEU, María José Gómez Alvite; o alcalde de Monterroso, Antonio Gato Soengas; o director do IEU, Francisco Pardo Teijeiro; e o autor do libro, o escritor, filólogo e historiador Xulio Pardo de Neyra.