Presentación de Cairón e visita guiada ao castelo de Pambre (venres 17 de xullo de 2020)
O venres 17 de xullo tivo lugar no castelo de Pambre (Palas de Rei) do número 4 de Cairón. Boletín do Instituto de Estudos Ulloáns.
Iniciou a presentación Francisco Pardo, director do Instituto de Estudos Ulloáns, que tivo unhas palabras de lembranza de Daniel de Pimpón, o último caseiro dos bens do castelo de Pambre, recentemente falecido. A continuación interviñeron Braulio Vilariño, coordinador de exposicións do IEU, que realizou unha referencia a cada un dos artigos publicados neste número de Cairón; Jesús Otero Calvo, vicedirector do IEU e exalcalde de Monterroso; o doutor Fernando pensado, ex alcalde de Palas de Rei, que falou da riqueza patrimonial da Ulla e reclamou a recuperación das pezas arqueolóxicas palenses espalladas por toda a comunidade e a creación dun museo comarcal en Palas; e finalmente Pablo Taboada, alcalde de Palas de Rei.
Continuou o acto cunha visita ao castelo guiada por Francisco Pardo. Ao remate da visita, no patio de armas, a carón da vella eira, o poeta Toño Núñez recitou un poema da súa creación e outro do poeta Paco Ledo, e seguidamente Braulio Vilariño e a actriz Mónica Pérez Souto interpretaron a peza teatral inspirada na vida de don Sancho Sánchez de Ulloa e a súa dona Tareixa de Zúñiga, titulares do castelo e do señorío de Ulloa no século XV, da que é autor o escritor palense Fernando García Penas.