Presentación de Cairón en Antas de Ulla (sábado 18 de xullo 2020)
O sábado 18 de xullo tivo lugar na igrexa románica de Antas de Ulla (igrexa vella) a presentación do número 4 de Cairón. Boletín do Instituto de Estudos Ulloáns.
Actuou como moderador o biólogo Xurxo Mouriño, membro da Xunta de Goberno do IEU. Iniciou as intervencións Xurxo Mouriño, que fixo unha magnífica exposición de cada un dos artigos publicados na revista; a continuación interveu a política seoanesa Pilar García Porto, deputada provincial, que resaltou a transcendencia do artigo do xornalista Fernando Salgado sobre os primeiros alcaldes franquistas de Monterroso e do de Francisco Armas sobre a emigración e o retorno en Antas de Ulla; seguidamente interveu o escritor e historiador chantadino Xosé Lois García, que falou do simbolismo na arte románica e agradeceu a Javier Diéguez as facilidades dadas para visitar todas as igrexas románicas do concello de Antas de Ulla estudadas, e finalmente clausurou o acto o párroco de Antas de Ulla, Javier Diéguez, cunha culta e amena disertación sobre a interacción da relixión, a arte e a cultura.