Presentación do proxecto “Corcosendo” en Vilar de Donas, 23/12/2023

O sábado, día 23 de decembro foi presentado, na Igrexa de Vilar de Donas o proxecto Corcosendo organizado dende a Sección de Audivisuais do Instituto de Estudos Ulloáns, impulsado e coordinado por Patricia Coucheiro, e do que son comisarias Patricia Coucheiro, Sara Coello, Antía Montes e Susana Varela.

Inicouse o acto ás 12 h coa intervención de Patricia Coucheiro presentando o proxecto e á inauguración, no adro igrexa de Vilar de Donas, da exposición multidisciplinar e transmedia Corcosendo: a memoria das costureiras da Ulloa, que ofrece unha mostra fotográfica de 33 retratos de mulleres relacionadas co oficio da costura na Ulloa, intervidos pola artista téxtil Verónica Ramilo.

Unha vez acomodado o público no interior do templo, para o que se contou coa colaboración de voluntarios do IEU, deuse paso ás intervencións artísticas: unha suxestiva performance de Helena Salgueiro, a estrea dunha videocreación do cieneasta Xabier Mailán, e a actuación do grupo Zoelas , que interpretou un tema inédito composto especificamente para este proxecto.

Interviñeron no acto Pablo Taboada, alcalde de Palas de Rei; Pilar García Porto, responsable da área de Promoción do Territorio e Turismo da Deputación de Lugo; Braulio Vilariño, galerista e directivo do IEU; Ana Pérez Valdés, deseñadora e investigadora asturiana; e as catro comisarias do proxecto, que foron presentando cada unha das actuacións.

O libro do proxecto, con prólogos de Olga Novo e Ana Pérez Valdés, e a aplicación para o móbil adaptada a Corcosendo que no futuro formarán tamén parte de ‘Corcosendo’.

Vídeo da presentación de Corcosendo