VISITAS GUIADAS Á EXPOSICIÓN “YEBRA DE ARES” NA SALA DO IEU
O mércores 10 de abril a comisaria da exposición “Yebra de Ares, pintor, escritor e historiador” organizou un programa de visitas guiadas para recibir a 200 estudantes da comarca da Ulloa na sala Yebra de Ares da sede social do Instituto de Estudos Ulloáns. Máis información.
Dende a primeira hora da mañá os alumos/as de ensinanza secundaria do IES de Monterroso participaron en pequenos grupos nas visitas guiadas, que forman parte das actividades de colaboración do IEU coa Semana cultural do IES Monterroso.
Finalizada a visita dos estudantes do IES de Monterroso, visitaron tamén a exposición os alumnos/as de Artes Plásticas do IES DO Camiño de Palas de Rei, que ademais de analizar a obra de Yebra de Ares participaron nun ameno coloquio sobre arte.
A última hora da mañá fixeron tamén unha visita á exposición os integrantes do Obradoiro de Emprego Ulla-Miño V que desenvolven o acondicionamento de locais municipais de Monterroso.
