O IEU no acto de reivindicación da apertura ao público da fortaleza de Amarante (Antas de Ulla), 25/3/2023
O sábado 25 de marzo de 2023 ás 18,30 h tivo lugar a xornada de reivindicación do dereito á visita pública á Fortaleza de Amarante (Antas de Ulla) convocada por AVA (Alternativa Veciñal de Antas de Ulla) e apoiada por diferentes asociacións culturais da Ulloa: Instituto de Estudos Ulloáns (IEU), Orde das Donas e Cabaleiros do Priorato de Vilar das Donas “Os Lobos”, Falcatrueiros, Agrocuir, Quercus Sonora, Club de lectores Rosalía da Biblioteca, 25 Xastres, Metátese Teatro e O Zuleiro.
No acto, presentado pola profesora e fotógrafa seoanesa Patricia Coucheiro, interviñeron Mercedes Somoza (membro de AVA), que explicou a lexislación sobre a fortaleza de Amarante como BIC; Francisco Pardo (director do IEU) que relatou a historia da fortaleza e a súa transcendencia na ordenación do territorio da Ulloa; e José Manuel Pérez (presidente de Os Lobos), que falou da necesidade da mobilización veciñal para a protección e o uso da patrimonio da Ulloa.
